ALBISTEAK
Gazteak eta helduak ahalduntzen dira Pirinioetan
2022ko uztailaren 1
Gazteria Pirinioaren etorkizuna da, eta 60 urtetik gorako populazioa orainaldia da. Beraz, bi talde horiek zaintzea ezinbestekoa da gure herriak bizirik mantentzeko eta lurralde honetan demografiaren erronkari aurre egiteko.
Proiektu Estrategikoen Zuzendaritza Nagusiak 10.000 euroko diru-laguntza emanen du Pirinioetako Planari lotutako 11 ekintzatarako. Deialdia toki entitateei zuzendua zegoen, eremuaren garapena lortzeko eta lurraldean egiten diren proiektuei laguntzeko, horretarako behar diren baliabideak ezarriz.
Aukeratutako proiektuen artean bi talde hauentzat dira: gazteak eta 60 urtetik gorakoak. Hala, Erronkari, Zaraitzu eta Aezkoako haranetan “gaztetxo” jasangarriak abian jarri aurretik Burgi eta Bidankozeko Udalek aurkeztutako prestakuntza-prozesuaren proiektua babestu da, baita Auñamendi Gizarte Zerbitzuen Mankomunitatearen proiektu bat ere, 60 urtetik gorako biztanleentzat gizarte-espazioak erabili eta dinamizatzeko.
Hain zuzen ere, aurkeztutako azken proiektu hori izan zen baloraziorik onena laguntza hauek jaso zituzten 26 proiektuetatik 11 aukeratzean. Aurizko eskolako udal eraikina gaitu nahi da, zahartze aktibo eta osasungarria, sozializazioa eta pertsona horiek beren ingurunean edo komunitatean parte hartzea sustatzeko.
Proiektu transferigarria
Zenbait urtetan garatu nahi den proiektua da, eta Eutsi Sociedad Microcooperativak, biztanleria-sektore horrekin lanean ari denak, gidatu eta dinamizatuko du ikastetxearen kudeaketa-planaren diseinua. Asmoa da proiektua eskualdatu ahal izatea eta Pirinioetako beste leku batzuetan aplikatu ahal izatea erabiltzen ez diren eraikinetan, hala nola, Aribeko medikuaren etxean, Erronkariko eskola zaharretan, Izabako Angel Galé kirol eta gizarte etxean, Ezkarozeko errota zaharrean, errehabilitazio proiektua idazteko prozesuan, edo “Hiriberri Lanean” proiektuari dagokion eraikinean.
Zaraitzuko, Aezkoako eta Erronkariko bailaretako gazteei zuzendutako proposamenak, berriz, hiru eskualdeetan gazteentzako lokalak abian jarri aurreko prestakuntza-prozesu bat eskaini nahi du, espazio horiek izan nahi dituzten pertsonek parte har dezaten espazio horiek sortzen, lokalen kudeaketari buruzko erabakiak hartzen eta abian jartzen eta mantentzen.
Hiru bailaretako Gizarte Zerbitzuen Mankomunitateen lankidetzatik sortu den prozesuak hainbat ekintza ditu. Lehena “Parti gaua” izeneko antzerkia da, Nafarroako Gobernuak sustatua, gazteek gai publikoetan parte har dezaten. Jarduera osatzeko, Urtxintxa Aisialdi Eskolak hiru bailaretako saio bateratua egingo du, gazteek elkar ezagutu dezaten. Ondoren, bailara bakoitzeko saioak egin dira Urtxintxarekin, eta, azkenik, bisita bateratua egin da Etxarri Aranazko gaztetxokora.
Pirinioetako Planarekin lotutako ekintzetarako diru-laguntza guztiak taula honetan jaso dira:
|
Entidad solicitante |
Nombre del proyecto |
Concesión |
|
Auñamendi Gizarte Zerbitzuen Mankomunitatea |
Auñamendi Gizarte Zerbitzuen Mankomunitatearen 60 urtetik gorako herritarrendako gizarte espazioak erabili eta dinamizatzeko plana. |
15.548,50 |
|
Orreagako Udala eta Mezkirizko Kontzejua |
Hogares conectados-Etxe konektatuak proiektua |
14.973,93 |
|
Uztarroeko Udala |
Uztarrozen diagnostikoa eta Udal Plan Estrategikoa egiteko parte-hartze prozesua |
14.400,00 |
|
Erronkariko Udala |
Erreboilo-euskarria berreskuratzea |
4.029,78 |
|
Orbaizetako Udala |
Orbaitzetan energia-komunitate bat sortzeko parte-hartze prozesua |
6.534,00 |
|
Burgi eta Bidankozeko Udalak |
Gaztetxo jasangarriak Erronkariko, Zaraitzuko eta Aezkoako ibarretan |
8.050,00 |
|
Linzoaingo eta Aintzioko kontzejuak |
Aintzioa eta Lintzoaingo ibilbideak |
11.930,00 |
|
Bidankozeko Udala |
Bidankozeko naturako kirol zentroa |
387,20 |
|
Aezkoa Ibarreko Batzarra |
Aezkoako 2030 Estrategia egiteko parte-hartze prozesua |
8.566,80 |
|
Auritzeko Udala |
Auritzeko gazteria |
4.985,20 |
|
Erronkari eta Zaraitzu Ibarretako Batzorde Orokorrak |
Erronkariko Artzain Eskolaren proiektua |
594,59 |
|
|
90.000,00 |
|
